පොසිල හෝ වෙනත් පුරාවිද්‍යාත්මක සාක්ෂි ඉතා විරල වූ යුගයක දි මානව සංහතියේ පරිණාමය එංගලස් විසින් පැහැදිලි කරන්නේ මාක්ස්වාදයේ
ද්විඝටනාත්මක භෞතිකවාදී ප්‍රවේශයකිනි. එනිසාම ඔහුගේ සමකාලීන විද්‍යාඥයන්ට සිතාගැනීමටත් නොහැකි වූ ගැටලු රැසකට සවිස්තරාත්මක පිළිතුරු සැපයීමට මේ කෙටි ලිපියෙන් එංගලස් සමත් වී තිබේ.
ශ්‍රමය ඉටු කළ මෙහෙවර යන කෙට් යෙදුම කෙටි වුවද ද්විඝටනාත්මක භෞතිකවාදය හා මානව පරිණාමය තේරුම් ගැනීමට උපකාරී වන මහඟු පාඩම් රැසක් ඒ තුළින් කියාදීමට එංගලස් සමත් වී ඇත.
විද්‍යාව, දර්ශනය, දේශපාලනය ඉතිහාසය සොබාදහම සහ පරිසරය යනාදී සියල්ල අතර වන අන්තර් ක්‍රියාකාරීත්වය මැනවින් කැටි කොටගත් විශිෂ්ඨ ලේඛනයක් ලෙස මෙම කෘතිය ලොව පුරා සම්භාවනාවට පාත්‍ර වී තිබේ.