ආචිචි අම්මාගේ හරි අපුරු විශ්වාස

මේ කතාව ලියැවෙන්නේ කා වෙනුවෙන් ද?

පළමුව, මග හැරී යා හැකි සංස්කෘතික, සාම්ප්‍රදායික විශ්වාසයන් හා වටිනාකම් ස්වල්පයක්, මග හැරෙන්නට නොදී යොවුන් සාහිත්‍ය නිර්මාණයක් ලෙස, කුතුහලයෙන් සෑම දෙයක් ම ප්‍රශ්න කරන නව යොවුන් වියේ සිට තරුණ විය දක්වා පාඨකයන්ට;

දෙවනුව, දෙමාපිය, දූ දරු සිත් වටහා ගන්නට, පවුලේ සබඳතා තවත් ශක්තිමත් කරගන්නට තිළිණයක් ලෙසින් දෙමව්පියන් වීමට සිහින දකින සැමට සහ කුඩා දරුවන්ගේ පටන් වැඩිහිටි දරුවන්ගේ දෙමව්පියන්ට;

තෙවනුව, මීළඟ පරපුරට දායාද කර ඇති වටිනාකම් මෙන් ම දායාද විය යුතු වටිනාකම් ගැන අලුතින් සිතන්නට සිතන මුහුකුරා ගිය අපේ ම ආදරණීය වැඩිහිටි පරම්පරාවට;

සිව්වනුව, අපේ ම සිතුවිලි රටා අධ්‍යනයට පොළඹවමින්, ධනාත්මක චින්තනයට මග පෙන්වීමක් ලෙස මේ පොත කියවන්නට සිත් පහළ වන හැමෝට ම..

ඉතින් සරලව ම, මේ පොත ලියැවෙන්නේ මේ හැමෝ ම වෙනුවෙන්..